Pesë vite më pas në 1980-tën, kompania me emrin “Ananas” me suksesin e saj arriti të blejë makineri të teknologjisë së lartë, për prodhim dhe paketim më efikas të të gjitha llojeve të biberit, mirëpo paketime në ambalazh që tregonte firmën tonë, ishte I pamundur duke pasë parasysh pengesat që na vinin nga pushteti i atëhershëm.

Dhe sipas mundësive zgjedhje e vetme ishte shitja e produkteve tona në tregun e Kosovës, por edhe më gjerë, por vetëm me paketim të thjeshtë, e kjo vazhdoi fatkeqësisht deri në vitin 1998, kur në tërësi u bë ndërprerja e prodhimit nga pushteti, si pasojë e luftës në vend.

Sikur shumë ndërmarrje dhe fabrika që gjatë luftës në Kosovë pësuan dëme të mëdha, duke filluar nga vjedhjet e deri tek djegjet në tërësi, kësaj nuk I shpëtoi as “Ananas” firma jonë e cila u shkatërua nga shtëpia, objekti I fabrikës, makineritë, depot, mjetet transportuese, përfshirë këtu edhe asgjësimin e rreth 20 tonëve biber.

Në vitin 2000 kompania u regjistrua si firmë e re në Kosovë, me po të njejtin emër “Ananas Impex”dhe pas shumë vështirësive dhe rinisje e të gjithë punës nga e para, por me një traditë që nuk u shkatërua asnjëherë, ne filluam sërish me prodhimin dhe paketimin e biberit dhe këtë në një ambalzh të ri, si asnjëherë më parë këtë rradhë në emër të firmës dhe me logon tonë. Kështu “Ananas Impex” vazhdoi me shitjen duke mbuluar të gjitha dyqanet dhe tregun kosovarë si prodhues I sukesshëm vendor, të ciën gjë vazhdojmë ta bëjmë me shumë përkushtim edhe në ditët e sotme